Jaman aku cilik radio mujudna alat komunikasi sing paling umum. Tivi tesih langka. Sing nduwe tivi nang desaku paling nembe luraeh, carike karo juragan sing nduwe jenitri, teerus bapak sanmohammad nang Desa Karang Jambe. Nek radio rata-rata siji keluarga nduwe radio siji. Merek-merek radio sing beredar wektu jaman kuwe ya wis mulaih akeh. contone Philips, Toshiba, Unico, Telesonic, Tjawang, National. Wujude tesih radio tabung sing digawe seka plastik utawane campuran triplek. Tipe gelombang radio-ne nembe ana MW karo SW. Mulane ana istilah radio 2 band, 3 band, utawa 4 band. Angger 2 band berarti MW karo SW, angger 3 band berarti MW karo SW1 + SW2, angger 4 band bertarti MW + SW1 + SW2 + SW3. Radio gelombang FM babar blas durung ana. Nang perkembangane istilah MW ganti dadi AM., nek SW tetep ora berubah. Angger radio lokal kaya RRI, RSPD utawa radio lokal mengudarane nang gelombang MW. Angger radio luar negeri sing adoh-adoh mancarna siarane liwat gelombang SW. Sekelinganku mbiyen radio RRI sing bisa dirungokena nang Karanganyar antara RRI Purwokerto, RRI Yogyakarta, RRI Solo, RRI Jakarta, RRI Bandung, RRI Surabaya. Angger radio lokal paling RSPD Indrakila. Siki radio wis mulai di tinggalna siki sing akeh wis pada due TV dewek-dewek malah siki agi rame-ramene nang Desa Condong Campur wis pada masang Antena Para bola sing akeh Canel TV tapi sing urung due ya akeh sing due para bola nang desa condong campur wis lumayan akeh.